انوشکا شرما اور ویرات کوہلی نے باضابطہ طور پر شادی کا اعلان کردیا

میلان (سپورٹس ورلڈ نیوز) انوشکا شرما اور ویرات کوہلی نے باضابطہ طور پر شادی کا اعلان کردیا ہے۔ ا نوشکا اور ویرات نے سماجی رابطوں کی ویب سائٹ پر اپنے مداحوں کو یہ خوشخبری سنائی اور ساتھ ہی پہلی بار اپنی شادی کی تصاویر بھی شیئر کیں۔ دونوں نے ٹوئٹر پر ایک ہی پیغام میں کہا کہ آج ہم نے ہمیشہ کے لیے ایک دوسرے کے ساتھ رہنے کا وعدہ کیا ہے اور یہ دن ہم دونوں کے علاوہ ہمارے خاندانوں اور مداحوں کے لیے بھی اہم ہے.  شادی کی تقریبات اٹلی کے شہر میلان کے مہنگے ترینشادی کی تقریب میں خاندان اور قریبی دوست شریک ہیں  جب کہ دونوں کی شادی ہندو رسم و رواج کے مطابق کی گئی ہے جس کے بعد پنجابی رسم و رواج سے بھی شادی ہوگی۔ ریزورٹ میں جاری ہیں جہاں ’’بوگو فینو چیتو‘‘ ریزورٹ پر انوشکا اور ویرات رشتہ ازدواج سے منسلک ہوئے۔

اس سے قبل بھارتی فلم نیوز ویب سائٹ نے دعویٰ کیا تھا کہ ویرات کوہلی اور انوشکا شرما نے اپنی شادی کو خفیہ رکھنے اور کیمرے کی آنکھوں سے دور رکھنے کے لیے تقریب میں آئے مہمانوں، میزبانوں اور منتظمین سے بانڈ سائن کروائے ہیں۔ بھارتی میڈیا کے مطابق انوشکا اور ویرات کوہلی شادی کی تقریبات مکمل ہونے کے بعد جنوبی افریقا روانہ ہوجائیں گے جہاں کوہلی آنے والی کرکٹ سیریز کی تیاری شروع کریں گے اور انوشکا بھی نئے سال کے جشن میں کوہلی کے ہمراہ ہوں گی۔ اس کے بعد دونوں جنوری کے پہلے ہفتے میں بھارت واپس آجائیں گے۔ انوشکا اور ویرات کے ترجمان کے مطابق وطن واپسی کے بعد انوشکا شرما ممبئی میں اپنی نئی فلم کے حوالے سے شیڈول مرتب کریں گی جس میں شاہ رخ خان بھی مرکزی کردار ادا کررہے ہیں۔