فیفا ٹرافی کی تقریب میں فٹ بال ہیروز کو مدعو نہ کرنا لیجنڈکے ساتھ ناانصافی ہے، حاجی عبدالستار

اسلام آباد(سپورٹس ورلڈ نیوز)سابق انٹرنیشنل فٹ بالر حاجی عبدالستار نے کہا ہے کہ ملک میں فٹ بال کے ٹیلنٹ کی کمی نہیں کھلاڑی سیاست کی بجائے کھیل پر توجہ دیں، انہوں نے کہا کہ فیفا ٹرافی کی تقریب میں فٹ بال ہیروز کو مدعو نہ کرنا لیجنڈکے ساتھ ناانصافی ہے اور کھلاڑیوں کا کسی سیاست سے کوئی تعلق نہیں ہوتا۔ اپنے ایک بیان میں انہوں نے کہا کہ حکومت اور سپانسر کرکٹ اور ہاکی کی طرح فٹ بال اور دوسرے کھیلوں پر بھی توجہ دے۔پاکستان کو پہلی بار سیف گیمز میں میڈل دلانے والے قومی ہیروز نے کہا کہ کوئی بھی کھیل حکومت اور سپانسر کی سرپرستی کے بغیر ترقی نہیں کر سکتاہے۔ انہوں نے کہا کہ اسلام آباد یا فیصل آباد میں ایک آل پاکستان کی سطح کا فٹ بال ٹورنامنٹ مارچ کے آخری ہفتے منعقد کروانے کا پروگرام بنا رہا ہوں جس میں نوجوان کھلاڑیوں کو شامل کیا جائے گا۔ ایک سوال کے جواب میں حاجی عبدالستار نے ناراضگی کا اظہار کرتے ہوئے کہا کہ گذشتہ دنوں فیفا کی ٹرافی پاکستان لائی گئی جس میں پاکستان سٹارز انٹرنیشنل فٹ بالرز، انٹرنیشنل ریفریزاور نہ ہی پاکستانی انٹرنیشنل کوچز کو فیفا ٹرافی کی تقریب میں مدعو کیا گیا۔

دنیا بھر سے کھیلوں کی تازہ ترین خبریں جاننے کے لئے لائیک کریں ہمارا فیس بُک پیج سپورٹس ورلڈ پاکستان 

        https://www.facebook.com/sportsworldpk1/