ماریا شرا پووا کو شکست سیمی فائنل کی دوڑ سے باہر سیمونا ہالپ اور سینیاکووا شینزن اوپن ٹینس ویمنز سنگلز فائنل میں پہنچ گئیں

بیجنگ ( سپورٹس ورلڈ نیوز) سیمونا ہالپ اور سینیاکووا فتوحات برقرار رکھتے ہوئے شینزن اوپن ٹینس ٹورنامنٹ ویمنز سنگلز فائنل میں پہنچ گئیں، ماریا شرا پووا سیمی فائنل میں شکست کے بعد ٹائٹل کی دوڑ سے باہر ہو گئیں۔ چین میں جاری ایونٹ میں گزشتہ روز کھیلے گئے ویمنز سنگلز ایونٹ کے سیمی فائنلز میں سٹار رومانوی کھلاڑی سیمونا ہالپ نے عمدہ کارکردگی کا مظاہرہ کرتے ہوئے ہم وطن کھلاڑی ایرینا بیگو کو سٹریٹ سیٹس میں 6۔1 اور 6۔4 سے ہرا کر فائنل کیلئے کوالیفائی کیا، دوسرے سیمی فائنل میں جمہوریہ چیک کی کھلاڑی کیٹرینا سینیاکووا نے حریف روسی کھلاڑی ماریا شراپووا کو 6۔2، 3۔6 اور 6۔3 سے ہرا کر فائنل میں جگہ بنائی۔