سعودی عرب میں خواتین پر فٹ بال اسٹیڈیم کے دروازے کھول دیئے گئے , سعودی پریمیئر لیگ میں آج ہونے والے میچ سے سعودی عرب میں نئی تاریخ رقم

جدہ   ( سپورٹس ورلڈ نیوز )  سعودی عرب میں خواتین پر فٹ بال اسٹیڈیم کے دروازے کھول دیئے گئے ۔ سعودی خواتین کو پہلی مرتبہ اسٹیڈیم میں فٹ بال میچ دیکھنے کی اجازت دیدی گئی ۔ سعودی پریمیئر لیگ میں آج ہونے والے میچ سے سعودی عرب میں نئی تاریخ رقم ہو رہی ہے ، جدہ میں ہونے والے فٹبال میچ سے خواتین اسٹیڈیم میں بیٹھ کرلطف اندوز ہوں گی ۔ ایسا سعودی تاریخ میں پہلی بار ہو رہا ہے جب سعودی عرب میں خواتین کو فٹبال میچ اسٹیڈیم میں دیکھنے کی اجازت دی گئی ہے، جس کے لیے خواتین بہت پر جوش ہیں  سعودی ولی عہد نے گزشتہ سال خواتین کے ڈرائیونگ کی اجازت دینے اور ملک میں سنیما گھر دوبارہ کھولنے کی اجازت بھی دی تھی۔