پاکستان ہاکی فیڈریشن نے ورلڈ کپ کے لئے توقیر ڈار کو ہاکی ٹیم کا ہیڈ کوچ مقرر کردیا, ورلڈ‌کپ میں سخت مقابلہ متوقع ہے، ہمیں سخت محنت کرنی ہوگی :توقیر ڈار

لاہور(سپورٹس ورلڈ نیوز) پاکستان ہاکی فیڈریشن نے ورلڈ کپ کے لئے توقیر ڈار کو ہاکی ٹیم کا ہیڈ کوچ مقرر کردیا. تفصیلات کے مطابق سابق اولمپیئن توقیر ڈار کو ہاکی ٹیم کا ہیڈ کوچ مقرر کیا گیا ہے، البتہ مالی معاملات سے متعلق ابہام تاحال برقرار ہے. پاکستان ہاکی فیڈریشن کے اعلامیہ کے مطابق ریحان بٹ اور دانش کلیم کوچز ہوں گے، حسن سردار کو منیجر برقرار رکھا گیا ہے۔ عہدہ سنبھالنے کے بعد توقیر ڈار نے اپنے بیان میں کہا کہ ہاکی نے انھیں‌ شناخت اور عزت دی، اب انھیں اپنا کردار نبھانے کا موقف ملا ہے.ان کا مزید کہنا تھا کہ ورلڈ‌کپ میں سخت مقابلہ متوقع ہے، ہمیں مزید نتائج کے لیے سخت محنت کرنی ہوگی. البتہ ورلڈ کپ کھیلنے سے متعلق انھوں نے لاعلمی کا اظہار کیا۔ پی ایچ ایف اعلامیہ کے مطابق یہ مینجمنٹ ورلڈ کپ کے لئے تشکیل دی گئی، ورلڈ کپ 28 نومبر سے بھارت میں شیڈول ہے۔ دوسری جانب ورلڈ کپ کی تیاری کے لئے قومی ہاکی ٹیم کا تربیتی کیمپ لاہور میں شروع ہو گیا۔واضح رہے کہ مالی بحران کی وجہ سے یہ کیمپ چند روز قبل عارضی طور پر منسوخ ہوگیا تھا، جس کے بعد ورلڈ کپ میں‌ پاکستان کی شمولیت پر سوال اٹھ گئے تھے.