کر کٹ : جوہانسبرگ ٹیسٹ ، جنوبی افریقن ٹیم 262 رنز بناکر آؤٹ ، فہیم اشرف کی تین وکٹیں ، ٹیم پاکستان نے بھی سترہ رنز پر دو وکٹیں گنوا دیں

جوہانسبرگ (سپورٹس ورلڈ نیوز) جنوبی افریقہ کی ٹیم تیسرے ٹیسٹ میں پاکستان کے خلاف ٹاس جیت کر پہلے کھیلتے ہوئے 262 رنز بناکر آؤٹ ہوگئی ، ٹیم پاکستان بھی پہلی اننگز میں بحران کا شکار پہلے روز کے اختتام تک دو وکٹیں گنوا کر صرف 17رنز بنانے میں کامیاب ہو سکی۔ جوہانسبرگ کے وانڈررز کرکٹ گراؤنڈ میں کھیلے جارہے میچ میں پاکستان کی جانب سے پہلی اننگز کا آغاز امام الحق اور شان مسعود نے کیا جو کہ مایوس کن رہا۔ چھ کے مجموعی اسکو ر پر شان مسعود 2 رنز بناکر پویلین پوٹ گئے جنہیں فلینڈر نے آؤٹ کیا جس کے بعد اگلی گیند پر ہی اظہر علی بغیر کوئی آؤٹ ہوئے۔ پہلے روز کھیل کے اختتام پر قومی ٹیم 2 وکٹوں کے نقصان پر 17 رنز بناسکی ہے، امام الحق اور محمد عباس وکٹ پر موجود ہیں۔
جنوبی افریقا کی جانب سے دونو وکٹیں فلینڈر نے حاصل کیں۔

قبل ازیں میزبان ٹیم کے کپتان ڈین ایلگر نے ٹاس جیت کر پہلے بیٹنگ کا فیصلہ کیا اور ایڈن مرکرم کے ہمراہ اننگز کا آغاز کیا جو سودمند ثابت نہ ہوا اور 6 کے مجموعی اسکور پر کپتان 5 رنز بناکر آؤٹ ہوئے۔ دوسری وکٹ کی شراکت میں ایڈن مرکرم اور ہاشم آملہ نے 126 رنز بناکر ٹیم کو مضبوط پوزیشن پر پہنچایا لیکن اوپنر ایڈن مرکرم نروس نائنٹیز کا شکار ہوئے اور 90 رنز بناکر فہیم اشرف کا شکار بنے۔ جنوبی افریقا کی تیسری وکٹ 154 کے مجموعی اسکور پر گری جب ہاشم آملہ 41 رنز بناکر شاداب خان کی گیند پر اسد شفیق کو کیچ تھما بیٹھے۔

اس کے بعد ڈی بریون اور زبیر حمزہ نے چوتھی وکٹ کی شراکت میں 75 رنز بنائے تاہم ڈی بریون 49 رنز بنا کر محمد عباس کی گیند پر ایل بی ڈبلیو ہوئے جب کہ پانچویں وکٹ ٹیمبا باووما کی گری جو محمد عامر کی گیند پر سرفراز احمد کو کیچ تھما بیٹھے۔ زبیر حمزہ بھی محمد عامر کی گیند پر وکٹ کے پیچھے سرفراز کے ہاتھوں کیچ آؤٹ ہوئے اور انہوں نے 41 رنز بنائے۔ فلینڈر ایک رنز بنا کر حسن علی کی گیند پر ایل بی ڈبلیو آؤٹ ہوئے جب کہ کگیسو ربادا بغیر کھاتا کھولے پویلین لوٹے۔ پروٹیز کے نویں آؤٹ ہونے والے کھلاڑی کوئنٹن ڈی کوک تھے جو 18 رنز بنا کر فہیم اشرف کا شکار بنے جب کہ اولیویئر بھی بغیر کوئی رنز بنائے آؤٹ ہوئے۔ پاکستان کی جانب سے فہیم اشرف نے 3، محمد عامر، محمد عباس اور حسن علی نے 2، 2 کھلاڑیوں کو آؤٹ کیا۔