تازہ ترین
بنیادی صفحہ / باکسنگ / باکسر عامر خان کا امریکی حریف ٹیرنس کرافورڈ کے خلاف 20اپریل کو میدان میں اتریں گے

باکسر عامر خان کا امریکی حریف ٹیرنس کرافورڈ کے خلاف 20اپریل کو میدان میں اتریں گے

نیویارک (سپورٹس ورلڈ نیوز) باکسر عامر خان کا امریکی حریف ٹیرنس کرافورڈ کے خلاف 20اپریل کو میدان میں اتریں گے۔ تفصیلات کے مطابق 20اپریل کو امریکی حریف ٹیرنس کرافورڈ سے لڑنے عامر خان رنگ میں اتریں گے، دونوں کے درمیان مقابلہ امریکی شہرنیویارک میں ہوگا۔ مقابلے کا اعلان دونوں باکسرز کی مشترکہ پریس کانفرنس میں کیا گیا، دونوں حریفوں نے دوسرے کو شکست دینے کے عزم کا اظہار کیا۔ مقابلے سے متعلق تبصرہ کرتے ہوئے عامر خان کا کہنا تھاکہ ٹیرنس کرافورڈ سے فائٹ بہت اہمیت کی حامل ہے، رنگ میں شکست دوں گا۔ میڈیا سے گفتگو کرتے ہوئے انہوں نے پاکستان سے متعلق کہا کہ پاکستان میں پی ایس ایل کی طرز پر باکسنگ لیگ کروا رہے ہیں ، پاکستان میں باکسنگ لیگ کے لیے اے آر وائی کا تعاون حاصل ہے۔ ان کا مزید کہنا تھا کہ وسیم اکرم بھی باکسنگ لیگ کا حصہ ہوں گے، پاکستان میں بڑا ٹیلنٹ ہے، امید ہے یہاں سے بہترین کھلاڑی نکلیں گے۔ دوسری جانب ٹیرنس کرافورڈ کا کہنا تھا کہ عامرخان سے فائٹ بہت اہم ہے، یقین ہے عامرخان کو شکست دینے میں کامیاب ہوجاؤں گا۔