تازہ ترین
بنیادی صفحہ / کرکٹ / کپتان سرفراز کے لئے خطرے کی گھنٹی ، ورلڈکپ میں شعیب ملک پاکستانی ٹیم کے ’’غیراعلانیہ‘‘ نائب کپتان ہوں گے ، سرفراز کے ساتھ یو اے ای پلان دہرائے جانے کا امکان

کپتان سرفراز کے لئے خطرے کی گھنٹی ، ورلڈکپ میں شعیب ملک پاکستانی ٹیم کے ’’غیراعلانیہ‘‘ نائب کپتان ہوں گے ، سرفراز کے ساتھ یو اے ای پلان دہرائے جانے کا امکان

کراچی- 17 اپریل 2019 (سپورٹس ورلڈ نیوز) کپتان سرفراز کے لئے کطرے کی گھنٹی ، ورلڈکپ میں شعیب ملک پاکستانی ٹیم کے ’’غیراعلانیہ‘‘ نائب کپتان ہوں گے۔ پی سی بی نے تاحال ورلڈکپ میں کسی کو نائب کپتان مقرر کرنے کا فیصلہ نہیں کیا،ذرائع کے مطابق شعیب ملک کو غیراعلانیہ طور پر یہ ذمہ داری سونپی جائے گی، دورئہ جنوبی افریقہ میں جب سرفراز احمد پرپابندی عائد ہوئی تو آل راؤنڈر نے ہی قیادت سنبھالی تھی۔ اب دیکھنا ےہ ہے کہ کہیں ایسا تو نہین ورلڈ کپ میں بھی کپتان کی جانب سے پرفارم نہ کرنے پرانہیںان فت قرار دے کر یا ریسٹ دے کر محمد رضوان کو تیم میں لیکر شعیب کو ہی کپتانی سونپ دی جائے . یو اے ای میں آسٹریلیا سے سیریز میں جب سرفراز احمد کو آرام دیا گیا تب بھی شعیب ملک کو ہی کپتان مقرر کیا گیا، مگر ابتدائی تینوں میچز میں ناکامی کے بعد وہ انجرڈ ہو گئے اور بقیہ دونوں مقابلوں میں عماد وسیم نے ذمہ داری سنبھالی۔
گزشتہ دنوں کرکٹ حکام نے نائب کپتان کے تقرر پر غور کیا تاہم تاحال اعلان پر اتفاق نہیں ہوا، سرفراز احمد اگر کسی وجہ سے کوئی میچ نہ کھیل پائے تو شعیب ملک قیادت کریں گے۔ البتہ اس بات کا امکان کم ہے کہ جمعرات کو جب اسکواڈ کا اعلان کیا جائے تو ان کے نام پر نائب کپتان درج ہو، اس سے قبل 2015کے ورلڈکپ میں بھی باضابطہ طور پر کسی کو مصباح الحق کا نائب مقرر نہیں کیا گیا تھا۔ ذرائع کے مطابق بورڈ حکام مستقبل میں کسی نوجوان کرکٹر کو نائب کپتان بنا کر گروم کرنے پر غور کر رہے ہیں، البتہ ورلڈکپ جیسے ایونٹ میں ضرورت پڑنے پر شعیب ملک کے تجربے سے فائدہ اٹھایا جائے گا۔ واضح رہے کہ آل راؤنڈر میگا ایونٹ کے بعد ون ڈے کرکٹ سے ریٹائرمنٹ کا کافی پہلے اعلان کر چکے ہیں، وہ اپنے آخری ٹورنامنٹ کو عمدہ کارکردگی سے یادگار بنانا چاہتے ہیں مگر حالیہ فارم اتنی اچھی نظر نہیں آ رہی۔